ეს ყველაფერი შეიძლება მხოლოდ ჭორები იყოს, თუმცა ანჯელინა ჯოლის თვითმკვლელობის მცდელობაზე სხვადასხვა, ერთმანეთისგან დამოუკიდებელი წყაროებიდან ვიგებთ. ეს მოხდა გასული საუკუნის ბოლოს, სავარაუდოდ ნარკოტიკული ნივთიერებების ზეგავლენით. მსახიობმა გადაწყვიტა უარი ეთქვა თვითმკვლელობის ბანალურ ვარიანტზე და პროფესიონალ მკვლელს მიმართა, რათა ამ ყველაფერს ”ჩვეულებრივი” მკვლელობის სახე მიეღო.
ქილერმა თავიდან უარი თქვა და ანჯელინას ერთი თვე მისცა მოსაფიქრებლად, რამაც შედეგი გამოიღო, მსახიობმაც გადაიფიქრა. იმავე წელს, ანჯელინა ჯოლიმ ოსკარი მიიღო ფილმ "Girl, interrupted"-ში მონაწილეობისთვის, სადაც მისი პერსონაჟი თვითმკვლელი იყო.
2.
თვითმკვლელები იშვათად ფიქრობენ თავისი საქციელის შედეგებზე: რამდენად ინერვიულებენ ახლობლები, რა თანხა დაუჯდებათ დასაფლავება და ა.შ. ვინმე მილო ბოჯიზიკმა გადაწყვიტა უფრო მეტი პასუხისმგებლობა გამოეჩინა და სუიციდის ადგილად დამკრძალავი ბიურო აირჩია. ოჯახური პრობლემებისგან შეწუხებული კუბოს ასარჩევად წავიდა, იქვე დაწერა ანდერძი, ჩაწვა კუბოში, პისტოლეტი თავზე მიიდო და გაისროლა.
საბედნიეროდ თუ საუბედუროდ, ვისთვის როგორ, ბოჯიზიკი გადარჩა. კუბოს გამყიდველებმა კი უარი თქვეს ფულის უკან დაბრუნებაზე, რადგან კუბო უკვე გამოუყენებადი იყო.
3.
2007 წლის შემოდგომაზე ტურისტების ჯგუფი ტყეში წავიდა დაკარგული ძაღლის მოსაძებნად, თუმცა ძაღლის მაგივრად მათ უფრო საინტერესო რამ ნახეს. ახალგაზრდა ბიჭმა თავი ხეზე მიიბა და შიმშილით სიკვდილი ჰქონდა განზრახული. მან ასეთ მდგომარეობაში 6 დღე-ღამე გაატარა.
ტურისტებმა თვითმკვლელი საავადმყოფოში წაიყვანეს, სადაც ის მალე გამოკეთდა.
4.
2010 წლის იანვარში ერთმა ბოსტონელმა თავის მოკვლა გადაწყვიტა, თუმცა ვერ გაბედა საკუთარი თავისთვის რამე დაეშავებინა. აიღო სამურაის ხმალი და ქუჩაში შემხვედრ პოლიციელებს უყვიროდა ”მომკალი!” და თავისი ხმლით იმუქრებოდა, თუმცა პისტოლეტიდან არავის გაუსვრია.
სასოწარკვეთილი თვითმკვლელი ერთ-ერთ საოფისე შენობაში შევარდა და მე-4 სართულიდან გადმოხტა. დარჩა ცოცხალი და უკმაყოფილო.
